احدى عواصف حامد زيد

اولاً ودي اقول للي خلصو الامتحانات مبروك وللي نجحوا اقولهم الف الف الف الف مبروك ـ
والراسبين انشاء الله تعوضوها

صاحب العواصف الشعرية (حامد زيد) بألفاظه الجزلة ومعانيه القوية

وهاهي اجمل قصيده قرأتها الجمهره
أترككم معها ...

إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد تاليها خراب
والبندق اللي ماتثور في هدفها تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلطتهم صدري على ذكري قصيد وحنجره

صوت ٍ يصول بمنبره وخطاب مامثله خطاب
والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره

والله ماحطيت بين الحقد والخوه حجاب
حتى غدوا ربعي يحدوني على الضيق أشكره

البارحه ثارت علي رقاب وأوتني رقاب
البارحه ياثقل دم البارح ويامحقره

أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره

عوّدت نفسي كل ماشددت لليمّه ركاب
مأصد وجهي عن طريق إلا لياجبت خبره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره

من يفتح الفرقاي باب أفك له عشرين باب
وأذا خويي مايقدر خوتي ما أقدره

عوّدت نفسي كل ماشددت لليمّه ركاب
مأصد وجهي عن طموح إلا لياجبت خبره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

انا جمعت اوراقهم في كتاب واغلقت الكتاب
ياوقت لم الي تلمه وانثر الي تنثره

ماكنت أحاتيهم صغـير ..عاد أحاتيهم شباب
اما ذخرني صاحبي لليوم الاسود مذخره

عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

انا تجرعت الظما لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعالم ٍ ماتستحق المغفره

انا أكثر أنسان تعلم من كثر ماخطأ وصاب
انا أخر لساني تكلم في زمان الثرثره

انا القصيد اللي نزع من دفتره مليون نار
وانا الوحيد اللي جمع مليون نار بدفتره

جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره

شيبت بعقول العرب..هيبت رؤوس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب إلا لأن اللي حواليني ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
اما نطقت بها بوجه ماتذمه بظهره

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره

ودك اليا من جاتك الغلطه من الناس القراب
الصاحب اللي ماكسبت محبته ماتخسره

للاستماع
http://www.6rp.net/she3r/7amad/algmhrh-6rp-net.ram
للتحميل

http://file8.9q9q.net/Download/76637552/-----------------.rm.html
.

<<<< الديمقراطي >>>>

صح السانه حامد زيد

ومشكووور
الصراحه انه بعد عجبني الشعر
الله يعطيك الصحه والعافيه